Вэбсайтыг үзүүлэн мэт ашиглах байдал Монголд их харагддаг үзэгдэл шиг санагддаг. Харин Миний хувьд вэбсайттай хүн бүрт хамгийн гайхамшигтай боломжууд нээлттэй байдаг гэж боддог. Тийм учраас би дараах 4 төрлийн алтан боломжийг вэбсайттай хүн бүр олж хараасай гэж хүсдэг.
Хайлтын системийн оновчлол SEO ашиглан сар бүр тогтмол хандалт авах боломж
Google дээр бид хамгийн түрүүнд түлхүүр үгээр хайлт хийдэг. Тэгээд хамгийн эхний хуудаснаас сонголт хийж мэдлэг мэдээлэл олж авдаг. Олон мянган хэрэглэгч яг энэ зарчмаар вэбсайтууд руу хандаж байдаг.
Үүнийг мэргэжлийн хэллэгээр Хайлтын системийн оновчлол буюу search engine optimization гэдэг. Энэ техникийг ашиглахын давуу тал нь:
- Та хэзээ ч зар сурталчилгааны зардал гаргах шаардлагагүй.
- Сар бүр тогтмол хэрэглэгч вэбсайт руу хандана.
- Зөвхөн зорилтод хэрэглэгч хандах тул хамгийн үнэ цэнэтэй дата болно.
- Үр дүн нь таны төсөөлж байгаагүй үнэ цэнийг үүсгэх болно.
Харин сул тал нь:
- Тогтмол вэбсайтаа удирдаж байнгын идэвхитэй ажиллагааг хангах шаардлагатай.
- Цаг хугацаа шаардах ба тэвчээртэй алсыг харсан бодлого шаардана.
- SEO нь арын ажлыг сайтар гүйцэтгэгч хэрэгтэй.
SEO хэрхэн хийх тухай зааврыг энэ нийтлэлээс олж уншаарай.
Хамгийн бага зардлаар Фейсбүүк сурталчилгаа хийх 5$ – 200.000 хандалт
Вэбсайтаа Фейсбүүк хуудастайгаа холбоорой. Таны вэбсайт руу зочилсон хэрэглэгчийг онлайн орчинд дагах эсвэл таних боломжтой. Аль нэг газрын вэбхуудсаар зочлоод дөнгөж 5 секунд ч болоогүй байхад таны фейсбүүк, инстаграм дээр тухайн газрын зар сурталчилгаа харагдаж байсан л биз дээ.
Яг энэхүү зарчмаар бизнесийн зорилтод хэрэглэгчээ дагаж болдог. Энэ арга нь фейсбүүк дээр сурталчилгаа хийх зардлыг тань 70% бууруулах болно. Энэ тухай маш дэлгэрэнгүй байдлаар энд дарж уншиж танилцаарай.
Дэлхийн зах зээлд онлайн худалдаа, үйлчилгээ хийх итгэмээргүй боломжтой
Вэбсайттай болсноор хамгийн том боломж бол дэлхийн аль ч оронд худалдаа, үйлчилгээ эрхлэх боломж нээгдэж байна. Үүний тулд вэбсайтаа онлайн төлбөр тооцооны системтэй холбож өгөх хэрэгтэй. Дэлхий дээр хамгийн өргөн ашиглагдаж буй ОУ-н төлбөр тооцооны систем бол PayPal юм.
PayPal – холбоотой дэлгэрэнгүй мэдээллийг өмнөх нийтлэлээс харах боломжтой. PayPal – г Вэбсайттай холбосноор та бараа бүтээгдэхүүн борлуулах, эсвэл үйлчилгээний хөлсөө вэбсайтаар дамжуулан хүлээн авах юм.
Вэбсайтаа ашиглан нэмэлт орлого олох боломж
Хувийн вэбсайтаа төрөл бүрээр хөгжүүлэн нэмэлт орлоготой болох олон төрлийн арга бий. Үүнээс товчхон хэдэн жишээ танд үзүүлье.
- Google Adsense – Вэбсайтыг Google компаний зар сурталчилгаатай холбоно. Ингэснээр таны вэбсайт дээр төрөл бүрийн сурталчилгаа автоматаар үүснэ. Таны вэбсайт руу хандаж буй хэрэглэгч тухайн зар дээр олон удаа дарж үзэх тутам танд мөнгөн орлого орж ирнэ. Жишээ нь киноны сайтууд, мэдээний сайтууд
- Affilaite Marketing – Монголд хөгжөөгүй байгаа боловч гадаадаас олон тооны хандалт авдаг вэбсайтуудад тохиромжтой. Вэбсайтад хандсан хэрэглэгчдэд гуравдагч компаний бүтээгдэхүүн, үйлчилгээг санал болгоно. Ингээд хэрэглэгч таны санал болгосон бүтээгдэхүүн үйлчилгээг авбал танд борлуулалтын хувь олгоно.
- Вэбсайтын байршил бүрийг үнэлгээнд оруулж томоохон компаний баннер, зар сурталчилгааг байршуулах. Жишээ нь мэдээний сайтууд дээд болон доод талын баннерийг сарын 300,000₮ эхлэн үнэлсэн харагддаг.
Хэрвээ танд миний бэлтгэсэн мэдээлэл таалагдсан бол зүүн доод буланд байрлах “БИДНИЙГ ДАГАХ” хэсэгт имэйл хаягаа оруулж цоо шинэ мэдээлэлтэй тухай бүрт нь танилцаарай.
Харин Вэбсайт хийлгэх бол үнийн санал авах хэсэгт хандаж зааврын дагуу над руу имэйл илгээгээрэй.