Персона нь бүтээгдэхүүн, үйлчилгээг авч буй хэрэглэгчийн зан төлөвийг тодорхойлно. Персонаг тодорхойлоход 3 төрлийн судалгаа хийгдэнэ. Үүний тусламжтай таны бизнест хамгийн тохиромжтой үйлчлүүлэгч хэн бэ? гэдгийг мэдэж болдог.

Бизнесийн чиглэлээс хамаарч дунджаар нэг байгууллагад 2-4 персона байдаг. Үйлчлүүлэгчийн нэг өдрийн амьдрал хэрхэн өрнөдөг тухай, тэдэнд тулгардаг бэрхшээл юу болох, хэрхэн шийдвэр гаргадаг тухай Персона судалгаа бидэнд үйлчлүүлэгчийн тухай бүгдийг дэлгэж өгдөг.

Яагаад Персона чухал вэ?

Үйлчлүүлэгчээ илүү таньж мэдсэнээр персона бүрт тохирсон маркетингийн стратеги, арга барилыг хэрэгжүүлэх боломжтой. Ингэснээр та хэрэглэгчийнхээ хүсэж буй зүйлийг амлаж чадна. Түүнчлэн шийдвэр гаргалтын процессыг тодорхойлсноор өөрийн бүтээгдэхүүн, үйлчилгээг борлуулах боломж нэмэгдэнэ.

Персона хийх 3 төрлийн арга

  1. Судалгааны арга – Бүтээгдэхүүн, үйлчилгээг авсан хэрэглэгч дээр судалгаа хийнэ. Мөн боломжит худалдан авалт бүхий хэрэглэгч дээр судалгаа хийнэ. Энэ судалгааны ач холбогдол нь таны бизнест юу дутагдаж байгааг эсвэл хэрэглэгч юунаас болж таныг сонгосон бэ? гэдгийг мэдэх боломжтой.
  2. Дотоод дата мэдээлэл – Онлайн орчинд зарим мэдээлэл бидний нүдний өмнө бэлэн байдаг. Жишээ нь Facebook Analytics, Google Analytics. Эндээс бид үйлчлүүлэгчийн нас, хүйс, байршил, хандалт зэрэг тоон мэдээллийг харах боломжтой байдаг.
  3. 1:1 харьцаж уулзах – Хамгийн үр дүнтэй судалгааг энэ хэсэгт хийх боломжтой ба үйлчүүлэгчтэй илүү нарийн харилцаа үүсгэж болдог. Үр дүнд нь Персона зөв тодорхойлох боломжтой.

Компанид үзүүлэх Персонагийн үр нөлөө

Дараах чиглэлүүдэд таны Персона хамгийн чухал үүрэг гүйцэтгэдэг.

  • Бүтээгдэхүүн хөгжүүлэлт
  • Маркетингийн стратеги боловсруулах
  • Борлуулалтын багт борлуулалт өсгөх зам
  • Хэрэглэгчийн үйлчилгээний төв

Персона жишээ

Бүтээгдэхүүн хөгжүүлэлт: Оймс үйлдвэрлэгч компани бүтээгдэхүүний хөгжүүлэлт хийхийн тулд туршилтын загварууд дээрээ дохио дамжуулагч суулгажээ. Үр дүнд нь тэд хэрэглэгчийн оймс өмсөх давтамж болон ямар өнгө сонгодог болохыг Персона бүр дээр мэдэж чадсан.

Дижитал маркетинг жишээ: Үл хөдлөх хөрөнгийн компани 2 төрлийн персона гаргасан. Эхний Персона бол 43 настай үл хөдлөх хөрөнгийн наймаачин. Түүнд зориулан маркетингийн баг барилгын үнэ цэнэ, байршлын давуу тал, эргэн борлуулах сувгуудын талаар мэдээлэл өгдөг.

Та Дижитал маркетингийн талаар дэлгэрэнгүй мэдэхийг хүсвэл “Дижитал маркетинг гэж юу вэ? Бизнесээ үсрэнгүй хөгжүүлэх арга.” нийтлэлээс уншина уу.

Харин дараагийн Персона бол 26 настай 2 хүүхдийн ээж. Түүнд зориулан маркетингийн багийнхан хүүхдийн аюулгүй амьдрах нөхцөл, машины зогсоол, автобус үйлчилгээний цэг, ойролцоох дэлгүүрүүдийн мэдээллийг өгдөг.

Борлуулалтын жишээ: Үйлчлүүлэгчийн шийдвэр гаргалтын Персона дээр тулгуурлан хөнгөлөлт үзүүлэх, харьцуулсан судалгаанд туслах, бэлэг өгөх зэргээр Персона бүрт тохирсон аргыг ашигладаг.

Персона гаргах, тодорхойлох нь нэг удаадаа хийгээд болчихдог зүйл огт биш. Учир нь хэрэглэгчийн зан төлөв цаг хугацаа өнгөрөх тусам өөрчлөгдөж байдаг. Үүнийг дагаад Персона судалгааг тогтмол хийж занших хэрэгтэй.

Санал болгох нийтлэл:

Төстэй нийтлэлүүд