Facebook Boost буюу Фэйсбүүк бүүст хийх нь танай бизнесийн пост, видео, бүтээгдэхүүнийг тодорхой төсөвөөр илүү олон Facebook хэрэглэгчдэд хүргэх төлбөртэй сурталчилгааны хэрэгсэл юм. Постын доор гарч ирдэг "Boost Post" товчийг ашиглан өдөрт $5-50 төсөв тавьж, нас, хүйс, байршил, сонирхлоор тааруулсан зорилтот үзэгчдэд харуулна. Бүүст хийх 3 үндсэн арга байдаг: (1) ердийн пост бүүст, (2) Facebook Ads Manager-ийн дэвшилтэт кампанит ажил, (3) AI-р оновчилсон Advantage+ сурталчилгаа. Webhiine агентлаг сар бүр клиентүүдийнхээ Facebook кампанит ажлыг дунджаар $0.32-$1.21 CPA хүртэл оновчлуулдаг бөгөөд таны бизнест ямар арга тохирохыг үнэгүй зөвлөнө. Дэлгэрэнгүй мэдээлэл болон Facebook + Instagram + TikTok цогц багцыг манай сошиал медиа маркетингийн үйлчилгээ хэсгээс үзнэ үү.
Фэйсбүүк Маркетинг буюу бүүст гэж юу вэ?
“Facebook Boost” гэдэг нь Facebook дээр байгаа бизнесүүдийн пост нийтлэлийг илүү олон хүмүүст харуулах зорилгоор төлбөртэй сурталчилгаа хийхийг хэлнэ.
Өөрөөр хэлбэл Facebook Boost буюу бидний хэлж сурснаар Фэйсбүүк бүүст хийх гэдэг нь фэйсбүүк аппликэйшнд мөнгө төлж илүү олон хэрэглэгчдэд постоо үзүүлэхийг хэлнэ.
Бүүст хэрхэн хийх вэ?
1. Facebook хуудас руугаа нэвтрэх:
- Эхлээд Facebook хуудас руугаа нэвтрэн орно уу.
2. Бүүстлэхийг хүсэж буй постоо сонгох:
- Өөрийн хуудас дээр байгаа Boost хийхийг хүссэн постоо сонгоорой. Постны доор “Boost Post” гэсэн товч байна.
3. Зорилтот бүлэг сонгох:
- “Boost Post” товчийг дарахад, та зорилтот хэрэглэгчийн бүлэг сонгох хэсэг рүү орно. Та:
- Байршил: Хэрэглэгчдийн байршлыг сонгож болно.
- Насны бүлэг: Зорилтот насны бүлэг сонгоно.
- Сонирхол: Таны сурталчилгаа ямар сонирхолтой хүмүүст хүрэхийг сонгоно.
- Facebook-ээс автоматаар зөвлөмж өгдөг сонголтыг ашиглах эсвэл өөрийн тохиргоог хийж болно.
4. Төсөв болон хугацааг тогтоох:
- Дараагийн алхамд та Boost хийх төсвөө болон хугацаагаа тогтооно.
- Таны төлсөн хэмжээ хамаарч Boost-ээ хэр олон хүнд хүргэх, мөн хэдий хугацаанд хүргэх нь тодорхойлогдоно.
5. Төлбөрийн аргаа сонгох:
- Хэрэв та Facebook-тэй төлбөрийн аргаа холбосон бол шууд үргэлжлүүлэх боломжтой. Хэрэв холбогоогүй бол банкны карт, PayPal зэрэг төлбөрийн аргыг сонгоод холбож болно.
6. Boost хийхийг баталгаажуулах:
- Дээрх тохиргоог хийсний дараа “Boost” товчийг дарахад таны пост Boost хийх үйл явц эхэлнэ.
7. Boost-ийн үр дүнг хянах:
- Таны пост Boost хийгдсэний дараа, та Facebook-ийн “Ad Center” хэсгээс Boost-ийн статистик мэдээллийг харах боломжтой. Энэ хэсэгт Boost хийгдэж байгаа эсэх, хэдэн хүнд хүрч байгаа талаархи мэдээллүүд харагдана.
Эдгээр алхмуудыг дагаж, та өөрийн Facebook хуудас дээрх постоо Boost хийж, илүү олон хүнд хүргэх боломжтой.
Фэйсбүүк бүүст хийх нарийвчилсэн аргууд
Ингээд /Facebook Boost/ Фэйсбүүк бүүст хийх төрлийг анхан шатны түвшинд авч үзье.
/Facebook Boost/ Фэйсбүүк бүүст хийх нь дараах төрлүүдтэй. Үүнд:
- Awareness – Хэрэглэгч таны бүтээгдэхүүн үйлчилгээг анзаарч эхлэх үе шат
- Consideration – Хэрэглэгч таны бүтээгдэхүүний тухай мэддэг ба судалж буй үе шат
- Conversion – Хэрэглэгч таны бүтээгдэхүүнийг худалдан авах шийдвэр гаргасан үе шат
1. Awareness
- Brand awareness
- local awareness
- Reach
Дээрх 3 сурталчилгаа төрөл нь ерөнхийдөө таны сурталчилгааг хэрэглэгчдэд харуулаад л өнгөрнө. Шинэ боломжит хэрэглэгчдийг хайж олох ба таны постыг олон хүнд үзүүлэх зорилготой. Бүтээгдэхүүн, үйлчилгээгээ таниулах, брэндинг хийх, шинэ хэрэглэгч татах зорилгоор хийнэ.
Гол үзүүлэлт:
- Reach – Хэдэн хүнд үзэгдсэн бэ? гэдэг тоон үзүүлэлт 1 хүн = 1 reach
- Impressions – Үзэгдэлтийг хэмжинэ. 1 хүнд 3 удаа пост харагдсан бол нийт 3 impressions гэсэн үг.
- Engagement – Лайк, Шэйр, Коммент, Даралт 4-н нийлбэрийг хэлнэ. /Хэрэв та энэ бүүстийг сонгож хийвэл таны контент маш их Engagement авах болно.
2. Consideration
Таны Бүтээгдэхүүн үйлчилгээг сонирхож буй боловч шийдвэр гаргаж амжаагүй хүмүүст зориулсан сурталчилгааны төрлүүдэд дараах багтана. Lead Nurturing буюу хэрэглэгчийг худалдан авалт руу чиглүүлсэн контент мэдээлэл бүүст хийх нь чухал.
- Traffic – Таны вэбсайт руу өмнө хандсан хэрэглэгчийг дахин чиглүүлэх сурталчилгаа хийнэ.
- Engagement – Боломжит хэрэглэгчийг пост руу үйлдэлд дуудна. Лайк, шейр, коммент, чатаар харилцаа үүсэх ба та цааш нь борлуулалтад хөтлөх ёстой.
- lead generation – Боломжит хэрэглэгчийн дата цуглуулах зорилготой. Имэйл, гар утасны дугаарыг мэдсэнээр цаашид борлуулалт болгон хувиргах боломжтой.
- Video View – Видио хэлбэрээр бүүст хийх тохируулгатай ба таны видиог байж болох олон талаас нь дэмжиж ажилладаг.
- App Installs – Application Аппликейшнтэй бол түүнийгээ Фейсбүүкээр рекламдаж болно.
3. Conversion
Бүтээгдэхүүн, үйлчилгээг худалдан авалт хийхэд бэлэн хэрэглэгчид юм. Худалдан авах шийдвэр гаргачихсан хэрэглэгч гэсэн үг. Энэ төрлийн хэрэглэгч нарт дараах сурталчилгаанаас сонгон бүүст хийнэ.
- Conversions – Өмнө нь таны бүтээгдэхүүнийг худалдаж авч байсан болон ижил төстэй хэрэглэгч рүү зар сурталчилгаа үзүүлэх тохиргоо юм. Фейсбүүк дахин чиглүүлэх сурталчилгаа нь маш үр дүнтэй бөгөөд худалдан авалт хийх боломжит бүх хэрэглэгч рүү постоо үзүүлэх боломжтой.
- Product catalog sale – Facebook shop дээр бараа зарах эрхтэй бол тухайн бараагаа рекламдах тусгай эрх юм.
- Store Visit – Facebook shop эрхтэй бол таны фейсбүүк дэлгүүр лүү хандсан хэрэглэгч рүү дахин чиглүүлэх сурталчилгаа юм.
4. Lead Ad (Сэжим цуглуулах сурталчилгаа)
Худалдан авах шийдвэр гаргахад ойрхон байгаа хэрэглэгчдээс холбоо барих мэдээлэл авах хамгийн үр дүнтэй арга юм. Lead ad сурталчилгаа нь хэрэглэгчийг тусгай форм бөглүүлэх хэлбэрээр ажилладаг бөгөөд:
- Үйлчилгээ захиалах сонирхолтой хэрэглэгчдийг бүртгэх
- Зөвлөгөө авах, үнэ асуух сонирхолтой хүмүүсийн мэдээллийг цуглуулах
- CRM системтэй холбож, автомат дагагч сурталчилгаа хийхэд ашиглах боломжтой
Ийм төрлийн сурталчилгаа нь гоо сайхан, боловсрол, үл хөдлөх хөрөнгө, автомашин гэх мэт зөвлөгөө, бүртгэл, үнэлгээ шаарддаг бүх салбарт тохиромжтой. Мөн бүх төрлийн үйлчилгээ, VIP бүртгэл, үнэ санал болгох кампанит ажилд үр дүн өндөртэй.
Фейсбүүк Бүүст Сургалт
Онлайн сургалтанд урьж байна
Дүгнэлт:
Сошиал маркетингийн чухал хэсэг болсон фэйсбүүк бүүст нь өөр өөрийн гэсэн онцлогтой. Хэрэглэгчийн худалдан авалтын замналаас шалтгаалан дараахаас зөвийг сонгож бүүст хийх нь чухал
Awareness Хэрэв таны бизнес дөнгөж эхэлж буй бол энэ бүлгээс сонголт хийж бүүст хийнэ. Ингэснээр таны бараа бүтээгдэхүүнийг хэрэглэгч таньж эхлэнэ.
Consideration Харин таны бизнесийг хэдийн хэрэглэгч нар мэддэг болсон ба худалдан авах шийдвэрээ гаргаж чадахгүй байгаа тохиолдолд энэ бүлгийн сурталчилгааг сонгох нь зөв.
Conversion Хэдийнээ таны бүтээгдэхүүн, үйлчилгээнээс худалдаж авалт хийчихсэн хэрэглэгч дахин өөр бүтээгдэхүүн худалдан авалт хийхэд бэлэн байдаг. Энэ тохиолдолд энэ бүлгээс сонгож бүүст хийнэ. Эсвэл хэдийнээ сэтгэлдээ худалдан авах шийдвэрээ гаргачихсан яваа хэрэглэгч гэсэн үг.
Ахисан шатны Фэйсбүүк бүүст хийх аргууд
Ахисан түвшинд бүүст хийх арга гэдэг нь фэйсбүүкийн дата болон хувийн дата өгөгдөл дээр тулгуурлан бүүст хийхийг хэлнэ.
1. Фэйсбүүкийн Дата ашигласан Бүүст
Фэйсбүүкийн дата өгөгдлийг ашиглан бүүст хийх боломжууд үүнд:
- Видео – Таны фэйсбүүк хуудсан дээр видио үзсэн хэрэглэгч рүү чиглүүлсэн бүүст
- Lead Form – Lead form -р бүртгүүлсэн хэрэглэгчид рүү дахин чиглүүлсэн бүүст хийнэ.
- Instant Experience – Вэбсайтын газардах хуудасны оронд фэйсбүүк дээр газардах хуудас үүсгэж бүүст хийнэ.
- AR Experience – Цоо шинэ төрлийн камертай харьцах бүүст сурталчилгаа
- On-Facebook List – Хэрвээ та фэйсбүүк хуудсан дээр онлайн дэлгүүртэй бол тухайн дэлгүүрээр зочилсон хүмүүс рүү бүүст хийж болно.
- Shopping – Фэйсбүүк дээр онлайн дэлгүүртэй бол нарийвчилсан бүүст хийж болно.
- Фэйсбүүк хуудасны лайк дарсан хэрэглэгч рүү бүүст хийх
- Инстаграм дээр лайк, фоллоу хийсэн хэрэглэгч рүү бүүст хийх
2. Хувийн дата ашиглан бүүст хийх
Харин танд байгаа хэрэглэгчийн датаг ашиглан бүүст хийх боломжууд:
- Website – Вэбсайт руу хандсан хэрэглэгч рүү чиглүүлсэн бүүст хийнэ.
- App Activity – Гар утасны АПП -руу хандсан хүн рүү бүүст хийх боломжтой.
- Catalog – Онлайн дэлгүүрийн бараа бүтээгдэхүүн үзсэн хүн рүү бүүст хийх боломжтой.
- Customer List – Утасны дугаар, Имэйл хаягын мэдээлэл оруулж бүүст хийх боломжтой.
- Offline Activity – /Дэлгүүр дээрээс/ Пос-ын машинаар худалдан авалт хийгдсэн хэрэглэгчийн мэдээллийг шууд фэйсбүүктэй холбож тухайн хэрэглэгчид рүү бүүст хийх боломжтой. Жишээ нь Номин бонус картаар худалдан авалт хийсэн хэрэглэгчийн дата дээр үндэслэн дараагийн бүтээгдэхүүний бүүстийг хийж болно.
Дүгнэлт: /Анхан шат VS Ахисан шат/
Анхан шатны бүүстийн датаны өгөгдөл хязгаарлагдмал байдаг. Байршил заах, хүйс заах, нас заах гэх мэт цөөн өгөгдөлд тулгуурлан бүүст хийдэг. Харин ахисан шатны бүүст нь илүү зорилтод хэрэглэгч рүү чиглэсэн байдаг.
Анхан шатны бүүст нь ихэвчлэн шинэ хэрэглэгч рүү чиглэсэн байдаг. Харин ахисан шатны бүүст нь илүү зорилтод хэрэглэгч рүү чиглэсэн байдаг.
Мөн анхан шатны бүүст нэг хүнд ноогдох нэгж зардал өндөр байдаг бол ахисан шатны бүүстын зардал хямд байдаг. Жишээ нь нэг хүнд сурталчилгаа үзүүлэх төлбөр Анхан шатанд дунджаар 0,3$ байдаг бол ахисан шатанд 0.02$ /Монгол орны үзүүлэлт/ байдаг.
Фэйсбүүк бүүст хийх Топ 5 типс
- Хугацааг хангалттай өг. Бүүст хийх хугацаа олон хоног байх тусам Фэйсбүүкийн Алгоритм ажлаа сайн хийдэг. Маш бага хугацаанд бүүст хийх тохиргоо нь зорилтод хэрэглэгчээ таних боломжийг багасгаж байдаг.
- Хэдэн $ өдөрт зарцуулах вэ? гэвэл өдөрт 3-15$ хүртэлх сонголтоор хийгээрэй. Монголын нийт хүн амын тоо 3 саяаас хэтрэхгүй, үүнээс фэйсбүүк аккаунттай хүний тоо 1,5 саяаас хэтрэхгүй.
- Бүүстийн үр дүнг 3 хоног тутам шалгаж анализ хийж байгаарай. Сонирхолтой контент хямд үнээр хүрдэг бол сонирхолгүй контент таны мөнгийг дэмий үрэх болно.
- Олон төрлийн контент бүүст хийж туршиж байгаарай. Фэйсбүүкийн алгоритм байнга хөгжиж, шинэчлэгдэж, өөрчлөгдөж байдаг. 3 сарын өмнө хамгийн ашигтай хийгддэг байсан бүүстийн төрөл өнөөдөр хамгийн ашиггүй хувилбар болж хувирч болно.
- Хэрэглэгчийн сонирхол зан төлвөөр оновчилж бүүст хий. Жишээ нь: Эмч, цагдаа, маркетер гээд мэргэжил рүү чиглүүлсэн бүүст хийж болно. Эсвэл гар утасны загвар, группын админ, фэйсбүүк хуудасны админ гээд маш олон төрлөөр сонголт хийж бүүст хийж болдог.
- Бүүст хийх зорилгоо нэг ойлгоорой. Танд борлуулалт чухал уу? эсвэл их хэмжээний Лайк, шэйр, коммент чухал уу? Бүүстийн зорилгоос хамаарч үр дүн бүгд өөр байх болно.