Сошиал маркетинг гэж юу вэ?
Сошиал маркетинг нь нийгмийн сүлжээн дэх платформуудыг ашиглан бүтээгдэхүүн, үйлчилгээгээ сурталчлах, брэндийг таниулах, хэрэглэгчидтэй харилцаа тогтоох үйл ажиллагаа юм. Сошиал маркетинг нь байгууллагуудад илүү олон хэрэглэгчидтэй холбогдож, борлуулалтаа өсгөх, хэрэглэгчийн итгэлийг нэмэгдүүлэхэд тусалдаг. Монгол улсад хамгийн өргөн хэрэглэгддэг нь:
- Youtube
Webhiine багийн зүгээс Фейсбүүк, Инстаграм орчинд хамгийн үр дүнтэй сошиал маркетинг хэрхэн хийх вэ тухай энэ нийтлэлээрээ хүргэхээр бэлтгэлээ. Эдгээр аргууд нь таны бизнест хэрэглэгчийг эрчимтэй татах шалгарсан аргууд юм.
1. Like Share Comment
Ямар нэгэн байдлаар таны нийтэлсэн постод хэрэглэгч хариу үйлдэл үзүүлэх нь чухал. Үүнд хэрэглэгч коммент бичих, лайк дарах, шейр хийх багтана.
Сонгодог жишээ:
- Таавар таалгаж хариу бичүүлэх
- Сонжоо бөглүүлж үйлдэлд дуудах
- Зураг оруулахыг уриалах
- Найзаа #mention хийхийг санал болгох
- Олны дунд мэтгэлцээн үүсгэх
2. Шагналын сантай уралдаан зарлах
Шагнал өндөр байх тусмаа олон хүмүүс постод хариу үйлдэл үзүүлдэг. Байр, машин, их хэмжээний мөнгөн дүн амлаж лайк, шейр, коммент авах арга байж болно. Эсвэл бага хэмжээний уралдаан тэмцээнийг тогтмол зохион байгуулж хэрэглэгчийн сонирхолыг тогтмол татах
3. Social Influencer буюу олны танил хүнийг ашиглах
Олны танил хүмүүсийг ашиглан өөрийн брэндийн хуудас болон бүтээгдэхүүнийг сурталчилах. Энэ нь ихэвчлэн Сошиал Одын хэлж буй үг, үйлдэл, хугацаанаас хамаарч хэрэглэгчийг харилцан адилгүй татдаг.
4. Онлайн төлбөрт сурталчилгаа /Fb, Ins Ads/
Хамгийн энгийн шийдэл бөгөөд фейсбүүкэд төлбөр төлж бүүст хийхийг хэлнэ. Гэхдээ бүүст хийхэд маш учиртай. Зорилтод хэрэглэгчээ зөв оновчилж чадвал хямд зардалтай. Харин чадахгүй бол та их хэмжээний мөнгө дэмий алдах болно. Энэ тухай Facebook Ads хэрхэн зөв хийх вэ? тухай нийтлэлээс үзэж болно.
Бүүст хийх төрөл дундаас зөвхөн Лайкын тоог өсгөх сурталчилгаа бий. Энэ сурталчилгааг ашиглан олон лайктэй болох боломжтой.
5. /Reels 60 секунд/ богино Видио бэлтгэн оруулах
Өргөн цар хүрээг хамарсан маш сонирхолтой богино видио хийж чадвал таны оруулсан постууд тэнгэрт тултал үзэлт авах болно. #Reels урт 60 секунд хүртэл үргэлжилнэ.
Мөн сонирхолтой сэдвээр LIVE видео хийх нь үзэгчдийг байлдан дагуулах хэрэгсэл болдог.
6. Сонирхолтой контент бэлтгэх
Болсон явдал бичих, эрүүл мэнд, гоо сайхан, спорт, зурхайн чиглэлээр сонирхолтой зөвлөгөө бичиж болно. Гэхдээ гарчигаа маш супер өгөх хэрэгтэй.
7. Google хайлтын системд өөрийн вэбсайтаа харагдуулах
Энэ дундаас хамгийн хүнд даалгавар боловч хамгийн үнэ цэнэтэй, тасралтгүй хэрэглэгчийн урсгалыг татаж байдаг шалгарсан арга юм. SEO Хайлтын системийн оновчлол гэж нэрлэдэг бөгөөд вэбсайтыг Google хайлтын илэрцэд гаргаж ирдэг.
Гүүглэ хайлт ашиглан амжилттай маркетингийн хэрэгсэл болгосон туршлагаас илүү дэлгэрэнгүй үзээрэй.
8. Фэйсбүүк хуудсаа хөгжүүлэхэд анхаарах зүйлс
- Зорилтод хэрэглэгчээ хэн бэ гэдгийг үргэлж бодож тэдэнд нийцэх контент оруулж байх хэрэгтэй. Жишээ нь машин угаалгын газрын хуудас хөгжүүлдэг бол машинаа хэрхэн гадаа угаах вэ, голын усанд угааж болохгүй шалтгаан гэх мэт холбоотой контент бэлтгэх нь чухал
- Өөрийн брэндийн Логог үргэлж оруулж байх хэрэгтэй. Мөн утасны дугаар хаягын мэдээллээ тогтмол оруулж байх нь зөв
- Facebook Insight ашиглаж Фэйсбүүк хуудасныхаа анализийг харж байгаарай.
- Коммент, чатанд дор бүр нь хариу өгч байх нь Фэйсбүүк таньд итгэх итгэлийг нэмэгдүүлж байдаг. Харин эсрэгээрээ байвал фэйсбүүкийн органик болон төлбөртэй хандалтыг бууруулж болзошгүй.