Контент маркетинг гэж юу вэ?
Контент маркетинг гэдэг нь хэрэглэгчдэд үнэ цэнэ бүхий, сонирхол татахуйц, хэрэгтэй мэдээлэл бүхий контентуудыг төлөвлөн бүтээж, олон нийтийн сүлжээ, вэб сайт болон бусад сувгаар хүргэх үйл явц юм. Энэ нь бүтээгдэхүүн, үйлчилгээний шууд сурталчилгаа хийхээс илүү хэрэглэгчдэд тусалж, тэдний итгэлийг олж авахад чиглэдэг стратеги юм.
Контент маркетингийн зорилго:
- Хэрэглэгчдэд үнэ цэнэ өгөх – Тэдэнд хэрэгтэй, асуудлыг нь шийдсэн мэдээлэл өгөх.
- Итгэлцлийг бий болгох – Таны брэндийг итгэмжит, найдвартай гэж үзүүлэх.
- Харилцан холбоо үүсгэх – Хэрэглэгчдийг илүү ойртуулж, брэндтэй холбоотой байлгах.
- Борлуулалтыг нэмэгдүүлэх – Контентоор дамжуулан хэрэглэгчдийг худалдан авалт хийх шийдвэр гаргахад нөлөөлөх.
Контент маркетингийн төрөл:
- Блог, нийтлэл – Таны вэб сайтад мэдээлэл бүхий нийтлэл бичиж хэрэглэгчдийн хайлтын үр дүнг сайжруулах.
- Видео контент – Сонирхолтой, богино хэмжээний видео ашиглан мэдээлэл хүргэх.
- Инфографик – Хялбар ойлгогдохуйц график мэдээлэл боловсруулах.
- Цахим ном, гарын авлага – Гүнзгий судалгаатай, үнэ цэнтэй материалыг татаж авах боломжтойгоор санал болгох.
- Олон нийтийн сүлжээний пост – Facebook, Instagram, LinkedIn зэрэг платформд тогтмол сонирхолтой контент оруулах.
Контент маркетингийн үр дүнг хэмжих:
- Вэб сайтын урсгал (traffic) – Контентыг уншиж, хуваалцсан хүний тоо.
- Орлого болон борлуулалтын өсөлт – Контентын шууд болон шууд бус үр дүн.
- Хэрэглэгчдийн оролцоо – Хуваалцах, лайк, сэтгэгдэл бичих зэрэг оролцоо.
- Брэндийн нэр хүнд – Контентыг үзсэн хэрэглэгчдэд брэндийн тухай эерэг сэтгэгдэл төрүүлэх.
Контент маркетинг нь зөвхөн борлуулалтад бус, хэрэглэгчдийг ойлгож, тэдэнд тусалж, урт хугацааны харилцаа бий болгоход чиглэдэг стратеги тул бизнесүүдийн хувьд урт хугацааны өсөлтөд маш чухал нөлөөтэй.
Контент маркетинг нь олон давуу талтай хэдий ч хаанаас хэрхэн эхлэхээ мэдэхгүй байна уу? www.webhiine.com сайтын дижитал маркетингийн баг танд хаанаас хэрхэн эхлэх талаар бяцхан зөвлөгөө бэлдсэнийг доор орууллаа.
AI Сошиал медиа маркетинг цогц үйлчилгээ
Webhiine.com дижитал маркетингийн компани 2020 онд байгуулагдсан. Одоогоор +100 байгуулагатай маркетингийн цогц үйлчилгээ үзүүлэн хамтран ажиллаж байна.
Зорилгоосоо эхэл
Бүхий л маркетингийн стратегийн нэгэн адил Контент маркетинг нь зорилгоо тодорхойлохоос эхлэх ёстой. Та хаашаа явж байгаагаа мэдэхээсээ өмнө хаашаа явахыг хүсэж байгаагаа мэдэх хэрэгтэй. Зорилгоо тодорхойлоход тулд доорх асуултуудад хариулаарай.
- Таны Контент маркетингийн зорилго нь вебсайтын хандалтыг нэмэгдүүлэх үү?
- Борлуулалтаа хэдэн хувиар өсгөх төлөвлөгөөтэй байна вэ?
- Хэрэглэгчийн үнэнч байдал хэр чухал вэ?
Та юу хүсэж байгаагаа мэдсэнээр ямар төрлийн контент үйлдвэрлэх шаардлагатайг мэдэх болно.
Хэрэглэгчээ тодорхойл
Та контент бичиж эхлэхээсээ өмнө үндсэн зорилтот хэрэглэгчдээ тодорхойлох хэрэгтэй.
Таны борлуулах гэж буй бүтээгдэхүүн ямар хүнд зориулагдсан талаар бодолцон түүнд тохирох агуулга бүхий контентоо төлөвлөөрэй. 40-50 насны эмэгтэйчүүдэд зориулсан бүтээгдэхүүн борлуулах гэж байгаа бол эхлээд энэ насны хүмүүсийн зан төлөвийг судлах хэрэгтэй.
Контент түгээх сувгаа сонгох
Блог, нийтлэл, сошиал медиа пост, зочинтой ярилцлага, цахим ном, вебинар, инфографик, подкаст гэх мэт олон төрлийн мэдээллийн суваг байдаг. Контент нь тасралтгүй нийтлэгдэж байж хэрэглэгчдийн хараанд өртөн борлуулалт хийгдэх болно.
Контент үйлдвэрлэлийн баг нүсэр байх шаардлагагүй. Зөв агуулга бүхий контент, оновчтой төлөвлөгөөтэй байхад танай баг 2 хүнтэй байсан ч мэдээллээ зорилтот хэрэглэгчдэдээ хүргэн, борлуулалтаа өсгөх боломжтой.
AI Сошиал медиа маркетинг цогц үйлчилгээ
Webhiine.com дижитал маркетингийн компани 2020 онд байгуулагдсан. Одоогоор +100 байгуулагатай маркетингийн цогц үйлчилгээ үзүүлэн хамтран ажиллаж байна.
Зохион байгуулалттай байх
Та зорилго, хэрэглэгчээ тодорхойлж, контент түгээх сувгаа сонгосны дараа төлөвлөгөөгөө гаргах цаг болжээ. Үүнд контентийн сэдвүүдийн жагсаалт гаргах, бусад менежерүүд болон сошиал медиа менежерүүдэд зориулсан даалгавруудыг гаргах зэрэг багтана.
Контентийн төлөвлөгөөг хамгийн багадаа нэг сараар гаргах хэрэгтэй. Ингэснээр контентууд нь хоорондоо уялдаа холбоотой болох бөгөөд гүйцэтгэлийн явц дахь ямар нэгэн алдаа, бэрхшээлийг хөнгөнөөр даван туулахад тань туслах болно.
Гүйцэтгэлийн үр дүнгээ хэмжих
Гүйцэтгэлийн хяналтгүйгээр аль контент нь үр дүнтэй байж, аль нь уналттай байсныг мэдэх боломжгүй. Гүйцэтгэлээ хэмжихийн тулд та бүх мэдээллээ нэгтгэх хэрэгтэй. Контент цацсан үеийн борлуулалт, хэрэглэгчдийн хандалт зэрэг бүхий л мэдээлэл хэрэг болно.
Энэхүү мэдээллүүдийг нэгтгэн үр дүнг тооцоолох бөгөөд аль сувгаар цацсан контент илүү олонд хүрснийг тооцоолон дараачийн төлөвлөгөөгөө боловсруулах нь зүйтэй.
Эцэст нь хэлэхэд Контент маркетинг бол бизнесээ хөгжүүлэх хамгийн сайн арга замуудын нэг юм. Эхлэх явцдаа зорилго тавьж, Контент маркетингийн төлөвлөгөө гаргаж, зорилгоо хэмжих аргатай байгаарай.
Нэмэлт Маркетинг үйлчилгээнүүд:
Санал болгох нийтлэл
Хэрэглэгчийн Худалдан Авах Зан Төлөв
Богино хугацаат хөрөнгө оруулалт: Эхлэгчдэд зориулсан гарын авлага
Маркетингийн Идэвхжүүлэлтийн Арга: Бизнесээ Өсгөх Шилдэг Стратегиуд
Шэйр хийж хуваалцах