Хэрэв та дижитал маркетинг бодит амьдрал дээр хэрхэн ажилладаг талаар гайхаж байгаа бол бид танд энэхүү нийтлэлээрээ танилцуулах болно.
Дижитал маркетинг нь дараах төрлүүдтэй байдаг.
- Товшилт бүрд төлөх (PPC)
- Хайлтын системийг оновчтой болгох (SEO)
- И-мэйл маркетинг
- Видео маркетинг
- Сошиал медиа маркетинг
- Түншлэлийн маркетинг
- Агуулгын буюу контент маркетинг
Товшилт бүрд төлөх (PPC)
Товшилт бүрд төлөх гэдэг нь хэрэглэгчид таны сурталчилгаан дээр дарах бүрд гарах маркетингийн зардал юм. Энэ нь дижитал маркетингийн аргуудаас хамгийн оновчтой ба зөвхөн таны бүтээгдэхүүн үйлчилгээг сонирхож байгаа хэрэглэгчид мэдээллээ хүргэж болно. Мөн үр дүнгүй урсгаж буй маркетингийн зардалыг бууруулах боломжтой.
PPC нь LinkedIn, Facebook-ийн төлбөртэй сурталчилгаанд түлхүү ашиглагддаг.
Хайлтын системийг оновчтой болгох (SEO)
SEO нь мөн л адил зорилтот хэрэглэгчидрүү чиглэсэн дижитал маркетингийн арга юм. SEO нь үйлчлүүлэгчдийг татахын тулд вебсайт дээр хийгддэг тохиргоо бөгөөд үүнд анхаарал татахуйц контент, гайхалтай вебсайт дизайн орно.
SEO нь хэрэглэгчийн хайлтад тохирсон илэрцийг гаргахад туслах ба мэдээллийг оновчтой болгож, хөрвүүлэх хурдыг нэмэгдүүлэхэд тусална.
И–мэйл маркетинг
И-мэйл маркетинг нь танай хэрэглэгч болсон хэдий ч хэзээ дахин үйлчлүүлэх, эсвэл дахин үйлчлүүлэхгүй ч байж мэдэх хэрэглэгчдийг урт удаан хугацаанд тогтоон барьж байх гайхалтай арга юм.
Ухаалаг дижитал маркетер нь олон төрлийн маркетингийн сувгуудыг ашиглан хэрэглэгчдийн и-мэйл хаягийг нэмэгдүүлдэг. Энэхүү жагсаалтаараа дамжуулан зорилтот хэрэглэгч нарт тохирох сонирхолтой контент болон бүтээгдэхүүн үйлчилгээний талаарх мэдээллээ илгээх боломжтой.
Та и-мэйл маркетингийг аргыг ашиглан мэдээлэл илгээхдээ анхаарал татахуйц сэдвүүдийг бичин, илгээх хамгийн тохиромжтой цагийг тодорхойлох хэрэгтэй.
Таны и-мэйлийн агуулга нь:
- Танай бизнесийн ерөнхий мэдээлэл
- Шинэ бүтээгдэхүүн, үйлчилгээний зарлал
- Тусгай арга хэмжээний урилга
- Купон болон тусгай саналууд гэх мэт агуулгатай байж болно.
Видео маркетинг
Видео бол таны бүтээгдэхүүн, үйлчилгээг харуулсан маркетингийн кампанит ажил явуулах гайхалтай хэрэгсэл юм. Өндөр чанартай видео контент нь хэрэглэгчийн анхаарлыг татаж, вебсайтын урсгалыг нэмэгдүүлэхэд тусалдаг.
YouTube бол хоёр тэрбум гаруй хэрэглэгчтэй Google-ийн дараа орох хамгийн алдартай хайлтын систем юм. Олон боломжит худалдан авагчид худалдан авах шийдвэр гаргахаасаа өмнө YouTube-ээс мэдээлэл хайж байдаг. Жишээ нь:
- Хэрэглэгчийн туршиж үзсэн сэтгэгдэл
- Unboxing
- Өөр ижил төстэй бүтээгдэхүүнтэй харьцуулсан байдал гэх мэт.
Та YouTube эсвэл Facebook дээр видео маркетинг ашиглан бүтээгдэхүүн, үйлчилгээгээ үзүүлж, хэрэглэгчидийг татах боломжтой.
Сошиал медиа маркетинг (SMM)
Сошиал медиа сувгууд сүүлийн үед дижитал хэрэглээг давамгайлж байна. Статистикаас харахад 2021 оны байдлаар дэлхий даяар 3.78 тэрбум сошиал медиа хэрэглэгчид доорх платформуудыг түлхүү ашигладаг байна.
- YouTube
Олон нийтийн мэдээллийн хэрэгслийн хамгийн том давуу тал бол хүртээмжтэй байдал, боломжийн үнэ юм. Та эдгээр платформ дээр борлуулалт хийх тун амархан.
Хэрэв та WordPress вебсайттай бол вебсайтдаа сошиал медиа хуудсаа холбон дижитал маркетингаа сайжруулж, хэрэглэгчийн урсгалыг нэмэгдүүлэх боломжтой.
Нөлөөллийн маркетинг
Та нөлөөллийн маркетинг хийхдээ бүтээгдэхүүн, үйлчилгээгээ шууд сурталчлахгүй. Үүний оронд та бүтээгдэхүүнээ сурталчлахын тулд бусад контент бүтээгчдэд төлбөр төлдөг. Та нөлөөлөгчдөд зориулсан урамшуулал зарлах бөгөөд уншигч түүн дээр товшиж, худалдан авалт хийх бүрд нөлөөлөгчид шимтгэл авдаг.
Энэ нь урьдчилгаа зардалгүйгээр дижитал маркетингаа аутсорсинг хийх хялбар арга юм.
Агуулгын буюу контент маркетинг
Агуулгын маркетинг нь хэрэглэгчийн оюун санаанд байгаа тодорхой асуултуудад хариулах, сэдэл өгөх замаар худалдан авалтыг бий болгох явдал юм.
Хэрэглэгчдийг дараах аргуудаар сэдэлжүүлж болно:
- Вебинарууд
- Блогууд
- Онлайн хичээлүүд
- Цахим номууд
- Инфографик
- Подкаст
Таны контент зар сурталчилгаа гэхээсээ илүү брэндийн үнэ цэнийг мэдрүүлсэн байх хэрэгтэй. Хэрэглэгч контентыг үзэх явцдаа худалдан авалт хийх шийдвэр гаргахад нөлөөлөхүйц байх нь зүйтэй.
2022 оны дижитал маркетингийн онцлох 8 тренд-ийн талаарх нийтлэлийг эндээс уншаарай.