Таны зорилтот хэрэглэгчид нь байгууллага эсвэл хувь хүн эсэхээс үл хамааран та дижитал маркетинг ашиглан брэндээ сурталчлан, таниулах боломжтой.

Бизнесээс бизнес рүү (B2B)

B2B дижитал маркетинг гэдэг нь тухайн бизнес бүтээгдэхүүн, үйлчилгээгээ бусад бизнест худалдан борлуулах явдал юм. Та өөрсдийнхөө хэрэгцээнд бус байгууллагадаа зориулж худалдан авалт хийж буй хувь хүмүүс байдаг. Байгууллагад зориулсан дижитал маркетингийн  хамгийн том зах зээл нь програм хангамжууд байдаг. Мөн байгууллагын дотоод хангамж буюу өдөр тутмын хэрэгцээний эд материалууд ч багтдаг.

b2b marketing

Бизнесээс хэрэглэгч рүү (B2C)

B2C маркетинг нь хувийн хэрэгцээнд зориулсан бүтээгдэхүүн, үйлчилгээг сурталчилдаг. Энэхүү стратеги нь таны вебсайт руу чиглэсэн урсгалыг нэмэгдүүлэх, тэргүүлэгчдийг бий болгох, тэднийг үйлчлүүлэгч болгон хувиргахад чиглэгддэг. Энэ төрлийн дижитал маркетингийн жишээ бол бэлэн хувцас борлуулдаг онлайн дэлгүүр юм.

b2c marketing

Дижитал маркетингийг хэрхэн эхлүүлэх вэ?

Та хаанаас эхлэх, хэрхэн гайхалтай дижитал маркетер болох талаар бодож байгаа байх.  Дижитал маркетингийг эхлүүлэх тогтсон арга байхгүй – та уян хатан, шинэлэг, бүтээлч л байх ёстой.

Гэхдээ эхлэхэд тань туслах хэдэн санааг дурдвал:

Зорилгоо тодорхойл:

Та дижитал маркетингийн стратегидаа юу хийхийг хүсэж байна вэ? гэдэг асуултад хариулахуйц үр дүнг тооцоолох хэрэгтэй.

Зорилтот хэрэглэгчээ тодорхойл:

Таны зорилтот хэрэглэгчид нас, хүйс, сонирхлоос хамаарч өөр өөр байж болно. Тэдэнд зориулсан контент бүтээхдээ дижитал маркетингийн сүүлийн үеийн тренд, хэрэглэгчдийн зан төлөв зэргийг судлах нь зүйтэй. Монгол хэрэглэгчид нь бусад улс орны хэрэглэгчдээс ялгаатай тал олон тул шууд олон улсын дижитал маркетингийн стратегийг хуулан авч ашиглах нь тийм оновчтой биш гэдгийг анхаараарай.

Маркетингийн төсвөө тодорхойл:

Та дижитал маркетингтаа хэр их мөнгө зарцуулахаар төлөвлөж байгаагаа тооцоолох хэрэгтэй. Төлөвлөж буй зардал нь таны бизнесийн өдөр тутмын үйл ажиллагааг доголдуулахгүй байх хэрэгтэй. Монголын маркетерууд Facebook дээрх постоо бүүст хийхээр дижитал маркетингийг төсөөлдөг бөгөөд энэ нь өрөөсгөл ойлголт юм.

Агуулгаа үүсгэж, оновчтой болго: 

Контентоо сонирхолтой байдлаар хөгжүүл. Хэрэглэгчид таны сурталчилгаанаас хэрэгцээт мэдээллээ шууд хүлээн авч хариу үйлдэл үзүүлэхээр байх хэрэгтэй. Хэт нуршуу эсвэл тойруу утгатай байх нь зохимжгүй. Хэрэглэгчид маш их трэндийг дагадаг болсон учир сүүлийн үеийн чиг хандлагад тулгуурласан контент бүтээгээрэй.

Мобайл төхөөрөмжид зориулж дижитал маркетингийн хэрэгслээ тохируул:

Хэрэв та B2C маркетер бол хамгийн түрүүнд гар утасны стратегийг хэрэгжүүлэх хэрэгтэй. Мобайл төхөөрөмжид зориулж вебсайт болон, үйлдвэрлэж буй контентоо оновчтойгоор түгээх хэрэгтэй. Та хаанаас эхлэхээ мэдэхгүй байвал influencer буюу нөлөөлөгчдийн сошиал хуудсаар зочлоорой.

Түлхүүр үгийн судалгаа хийх:

Түлхүүр үг судлахгүйгээр хайлтын систем таны бизнесийг олоход хэцүү байдаг. Түлхүүр үгийн судалгааг Google Search Console-д өөрийн веб сайтыг холбон харж болно.

digital marketing seo

Шаардлагатай бол стратегиа шинэчил:

Хэрэв та дижитал маркетингийн сувгуудыг аль хэдийн ашиглаж байгаа бол шинээр тохируулга хийх шаардлагатай хэсгүүдийн талаар бодоорой.

Та одоо дижитал маркетинг хэрхэн ажилладгийг мэдэж авлаа. Энэ бол боломжит худалдан авагчдыг өөрийн брэндтэй холбож, улмаар тэднийг байнгын үйлчлүүлэгч болгох хямд бөгөөд, өргөн цар хүрээтэй арга юм.

digtal marketing

Та PPC кампанит ажил, имэйл, SEO зэрэг олон төрлийн дижитал маркетингийн сувгуудыг ашиглаж болно. Эдгээр нь бага төсвөөр олон хүнд хүрэх маш сайн арга юм. Мөн та бизнесийнхээ талаар илүү сайн шийдвэр гаргахад туслах бодит цагийн үр дүнг авах боломжтой. Гэсэн хэдий ч дижитал маркетингийг амжилттай хэрэгжүүлэх хамгийн эхний алхам бол найдвартай вебсайттай болох явдал юм. www.webhiine.com нь вебсайт хийх болон дижитал маркетингийн үйлчилгээг хэрэглэгч нартаа санал болгож байна.

Санал болгох нийтлэл:

Төстэй нийтлэлүүд